WORDS FROM THE SOUL, FOR THE SOUL

By Gabriel J Marais

Page 2 of 3

verdwyn…

Ek soek jou op die stasie
En ek soek jou op die trein
Ek soek jou in herinnerings
In die meubels van my brein
Maar jy het…
spoorloos verdwyn…

Ek soek jou in die laaste sluk
Van my whisky glas
ek soek jou in die pikswart nag
Maar jy het…
spoorloos verdwyn…

Ek soek jou in die kamer
En ek soek jou in die gang
En ek soek jou in die kiekies wat teen my muur hang
Ek soek jou in die reuk wat agterbly in die lakens
Maar jy het…
spoorloos verdwyn…

Ek soek jou in sprokies van liedfe en pyn
Maar nogsteeds…
Het jy spoorloos verdwyn…

jy was nog altyd daar…

Jy was nog altyd daar
Die klank van jou hakskoene
Kleur die muur in met skakerings van die reënboog

Ons loop verby mekaar en jy steel my gedagtes
Ons loop langs mekaar maar ek weet nie hoe om jou hand te vat nie
Ons loop verby mekaar maar ek weet nie hoe om jou naam te skryf nie

Trane van jou verlede trek charcoal lyne oor jou gesig
Soms lag jy al het jy seer
Almal het ’n stukkie oasis op hulle woestynpad

Ek wil die charcoal lyne oor jou gesig uitvee
Ek wil die seer wegvat
Ek wil jou oasis wees

alles het ‘n einde

my ding, kan ek jou vashou
kan ek ruik die bui waarin jy is
ek dryf al so lank op die see
ek sal nie die huis erken nie
want jy is nie daar nie

ek onthou hoe ek jou naam skryf in my gedagtes
waar ek langs die rivier sit
jy het gesê jy hoop niemand sien ons nie
maar jesus het ons gesien
dis waar dit alles begin het
en dit was die einde

ek soek jou naam vanaand
my gedagtes is leeg
miskien as ek die droom jaag
is dit ‘n werklikheid, of net ‘n droom

onder die sterre hoor ek die radio speel
dit klink soos iets wat jy sou sê
as jy ooit terug kom,
soek die boodskap wat ek gelos het
dis onder die sterre

ek het jou naam gesoek vanaand

ek was net ‘n kind

met jou kam in jou kous
en geraamtes in die kas
was jy al die tyd besig om jou vlammetjie uit te blaas

ek onthou jou glimlag, jou oë
ma het altyd gesê jy kan deur ‘n ring getrek word
dit was die waarheid

kom swem hier in my seer
tyd genees alles
ek word wakker, besef dit was ’n leun
kom swem hier in my seer

ek het jou van gekry
jy was myne, ek was joune
wie sou die waarheid weet

jy het my beskerm teen die donker
geleer van reg en verkeerd.. goed en sleg..
van seer, maar nooit van die seer om jou te verloor

almal het geraamtes in die kas
jou geraamtes het wakker geword
skielik was jy vry
En my hart – donker met verlange

wat het jy gedink? was jy alleen? 
ek is alleen

dis bittersweet

Oë wat sien

my pyn, in jou oë
uitgewas in die reën
bloed uit my are tussen die stukkies glas
weg gewas deur die reën

maar jy sien my, foutloos
geen krake in my hart
en jy by my sy
my hoop, verpletter in jou siel

spoke van ons verlede
weg gewas deur die reën
en ons sal vir ewig lewe

so gee my hoop in die donker
sodat ek die lig sien
en ek sal vir jou wag
en ons sal vir ewig lewe

special thanks vir Gerrit Geldenhuys en Morne Geldenhuys

donker vlekke, liefde wat brand

liefde kan seermaak,
liefde kan soms seermaak,
maar al wat ons weet –
wanneer dinge moeilik raak,
en jy weet dit kan moeilik raak –
is dit die enigste ding
wat ons lewendig laat voel, liefde

jy voel angstig, doen jy nie, engel
met jou stil stem en jou geheimsinnige glimlag..

ek weet hoe dit alles begin, ek het gesien hoe dit eindig –
jou hand in my hand,
die donker vlekke in jou siel, 
gestrooi in die wind, en ons –
jou hart in myne, en my hart in joune

Skerms in my drome

die son verdwyn,
my hart is bewolk in jou siel vanaand

skerms wat ons het teen wind en weer,
skerm my hart teen wind en weer

in my drome sien ek hoe jy loop
so wonder ek of jy my onthou
lê my neer, lê my langs jou neer

kom lê jou lyf hier neer…
dis aan jou wat ek wil vasklou

Die skrif is teen die muur

‘n Paar aande later sit ek weer en luister musiek. Dié keer is dit Spoegwolf.

laat my nou na jou luister
laat lê en laat fluister
jou wimpers op my
splinters van lig
kom uit die donker
vertel al jou vriende
daar’s weer sterretjies in die tuin

Ek voel lus om woorde op papier te skryf. Dis die begin.

« Older posts Newer posts »